小麗：黃成智比張宇人更無良心！

【小麗：黃成智比張宇人更無良心！】

小麗今朝到now TV時事全方位討論政府外判屋邨商場問題，好驚訝房委會商業樓宇小組成員黃成智，在地產霸權、領展霸權肆虐嘅2016年，仍然聲稱「事實證明商界管理好過公營管理」……

小麗：

我頭先聽到黃成智話，「事實證明商界管理好過公營管理」，我真係好唔認同、好憤怒，因為你要睇下所謂「好」是甚麼。

商業管理的確係令到鋪頭齊全、有冷氣，但同時令到租金好昂貴。即使張宇人08年在立法會發言，都比你有良心（黃成智：你話我無良心？）。

點樣判斷好唔好呢？有冷氣、管理得齊全、設施進步就夠？你頭先提及嘅「大本型」，的而且確係有好多鋪頭，但佢在同區物價最高，好多區內市民都話嗰度好貴唔會去光顧。「好」嘅準則，就係我地嘅價值觀，所謂有無良心就係價值觀問題。

即使係08年張宇人都好過黃成智。佢話呢個係社會成本，房委會對商場管理嘅社會責任責無旁貸，應該維持低租金，唔應該外判。如果街市有問題，佢地應該提升自己管理能力。問題係政策訂立得唔夠細緻。你可以維持低租金，但加入禁止做貨倉條款，並有人員定時巡查係咪真係有擺賣，咪解決有人用嚟做貨倉嘅問題囉。

無理由每次面對問題，就話「我唔識得管，交俾商界管啦」。有乜理由同一班人，喺商界就識管，喺公營機構就唔識管呢？

【時事全方位節目連結：bit.ly/1XErxmU】

---